×
Ślunsko relacyjo! GTK Gliwice dało fest do pieca

Ślunsko relacyjo! GTK Gliwice dało fest do pieca

2018-10-26
W przypiynkny środowy wieczór, udali my się zaś do Gliwic, zoboczyć czy miejscowe rzemieślniki podtrzymają domowo forma i zaliczą drugie zwycięstwo w swoij hali. Urokliwy zachód słońca oraz cola w proporcjach pół na pól z napojami wzmacniającymi koncentracjo sprawiły, że podróż upłyneła gibko i w dobrych nastrojach. Dodatkowo, świeżo wydrukowano wjazdówka tym razym przekonała srogo ochrona do wpuszczenio nos na parking.
 
Rozgrzewka
Hala po woli wypełniała się fanatykami. Młyn gospodarzy oceniomy na około 15 chopa i baby, natomiast młyn gości to solidna liczba 0 fanatyków. Pozytywnie w czasie rozgrzewki zaskoczył Myles Mack, kery tym razym doł rada pochytać galotki w rozmiarze S i niy musioł pożyczać od juniorów młodszych. Tradycyjnie kontuzji skutecznie unikoł Dodd, kery dzięki swojemy zaangażowaniu w ćwiczenia przed szpilem niy uronił ani kropelki potu. Zwiastowało to jego wzmożono aktywność w czasie szpilu! Hala niy zapełniła się tak jak w łosatnim pojedynku z MKSem i kajś połowa miejsc na trybunach świeciła pustkami. Na zachynta przypominomy, że piwo na hali dalij jest w sprzedaży!
 
I Kwarta
Szpil zaczyny od agrewsywnyj pentracyji Macka, po keryj Dodd postanowił wrazić bal z góry do kosza. Jedyną przeszkodą okozoł się fakt, że nie mioł bali w rynkach, także próba zaliczomy do niyudanych. Piyrwsze punkty po noszyj stronie zaliczoł Marek Piechowicz, kery wykorzystoł, że w poprzednij akcji rzemieślnik z Koszalina, swoim niynagannym i dopieszczonym rzutem spod samego kosza ledwie trefioł w tablica. Po chwili nostympne punkty do Gliwic! Tym razym Dodd postanowił wykonać wsad mając już bal w rynkach Wynik 6:0 sugerowoł, że tym szpilem Kołcz Turkiewicz niy odbiere se kolyjnych kilku lot życio. Niystety, po gibkich 4 punktach Koszalina, jego ciśnienie powróciło do klasycznygo 250 na 200 a po doprowadzeniu przez AZS do remisu, troszka przekroczyła ta skala. W połowie kwarty obrona noszych wyrobnikow zaczeła przypominać szwajcarsko kejza a Dodd chycił drugi faul, dziynki czemu mógł zacząć chillować się na ławce rezerwowych. Marko Tejić z AZSu niy mioł wiynkszych problemów ze zdobywaniem punktów, szczególnie, że syndziowie chcieli zapracować na swoja wypłata i dość chyntnie korzystali ze służbowych gwizdków. Dawid Słupiński odnolozł w sobie trocha Jamesa Harden i spróbowoł swoich sił w ciepaniu za czi. Efekt? Powiększenie przewagi AZSu. Mina Kołcza Turkiewcza po tym fragmencie bezcenno. Na som koniec w ciekawy sposób faul próbwoł wymusić Dragoslav Papić. Wpływ fusbalerów na zachowania koszykarzy jest coroz bardzij widoczny.

II Kwarta
Na drugo kwarta chopy wyszli zmotywowani solidną dawką przekleństw Kołcza, co łod razu zaprocentowało skuteczną akcją w obronie. Dawid Słupiński porzucił tyż marzenio o zostaniu nolypszym strzelcem za czi w lidze. W ataku gromy solidnie i zaczynomy łodrabioć straty. Tanel Kurbas roz po roz urzadzoł se slalom między obrońcami z Koszalina czym prawdopodobnie uratowoł życie Kołcza Turkiewicza, na kerego po piyrwszyj kwarcie, zaś zerkały służby medyczne. W końcu na parkiecie zameldowoł się ponownie Dodd i już w piyrwszej akcji wymusil faul i rzuty osobiste. Tyn fragment szpilu trocha senny i dopiero Dodd i Mack obudzili noszych rzemieślników dziynki czemu wracomy do gry i przegrywomy ino dwoma punktami. W końcu odblokowoł się Dawid  Słupiński, kery pomimo noszyj krytyki, sieknał tripla i doprowadził do remisu. Poprowił Riley LaChance i wyłażemy w końcu na prowadzenie! Niystety syndziowie dalij prezentowali wyjątkowo aptekarskie podejście do przepisów i kożdy, nojmnyjszy nawet kontakt, łod razu interpretowali jako faul. Z pewnością podniosło to atrakcyjność widowiska, wszak kibice przyłażą głownie oglądać rzuty osobiste. Na dwie minuty przed końcem kwarty zaczęło się, charakterystyczne dla europejskiej koszykówki, łażenie pomiędzy linimi rzutów osobistych i siekanie „za jedyn”. Zaczynomy dobrze grać w obronie ale najpierw Dawid Słupiński niy trefio spod samygo kosza a potem Riley LaChance notuje okrutno strata podczas wyprowadzenio kontry. Niy muszemy chyba opisywać reakcji Kołcza. Kończemy połowa szpilu przegrywając 44:50.
 
III Kwarta
Ta część spotkanio zaczynomy dość klasycznie czyli łod straty. Pomimo tygo prezentujemy solidno obrona i w kontrze Mack wymuszo faul po kerym trefio oba osobiste. Niystety poza tymi punktami prezentujemy wyjątkowo szeroko gama sposobów na tracenie bali. 3 minuty szpilanio i przegrywomy 11 punktami. Zakładomy, że w przerwie na żądanie Kołcz Turkiewicz niy recytowoł krajowyj poezji, ino w męskich słowach określił co sądzi o grze naszych wyrobników. W końcu, prawie w połowie kwarty, punkty po kontrze, wyprowadzanej w tempie sobotniygo grzybobranio, sieknął Piechowicz. Z zagrywek wykorzystujemy głównie heblowanie balem w miejscu i amerykańsko trójeczka sprzed łobrońcy. Na całe szczęście coś tam wpado a Myles Mack postanowił łod czasu do czasu wciepnąć drugi bieg i uskutecznić gibko kontra. Na minuta przed końce stała się natomiast rzecz wyjątkowo. Skuteczno akcja w obronie a następnie pentracyjo Piotra Robaka spowodowała…pozytywno reakcja Kołcza Turkiewicza! Momy nadzieja, że keryś z dwóch obecnych na hali paparazzi, ujął tyn moment bo bydzie co opowiadać wnukom. A co najciekawsze, jakimś cudem udowo nom się odrobić straty z początku kwarty i złażemy na przerwa z remisem po 67 oka!
 
IV Kwarta
W tyj kwarcie, podobnie jak z Dąbrową, w końcu zaczynomy szpilać w basket i kondycyjnie nosze rzemieślniki wyglądają dużo lepij niż te z Koszalina. Mocno obrona oraz proste ale skuteczne granie i wyłażemy na prowadzenie 74:69! AZS niy kwapił się do poprawienio swojego dorobku punktowego, prezentując mizerio w kożdym aspekcie gry. I jak momy być szczerzy niy bardzo jest ło czym pisać. Prosty, wyrobniczy basket, kery jednak w noszym wykonaniu przyniósł wymierne korzyści, czyli 12 punktowo przewaga! W momencie jak Kacper Radwański wyprwaodził nos na 16 punktowe prowadzenie stalo się jasne, że tyn szpil wygromy a Kołcz Turkiewicz niy bydzie musioł korzystać z usług obsługi medycznyj i być może dożyje jednak spokojnej starości. Ilość cegieł jakie odpolili chopcy z AZS stykła by na wybudowanie jeszcze jednyj Areny Gliwice i osiedla TBSów. Wszystko podsumowoł Myles Mack, kery wystrzelił równie szalono tripla jak ta zwycięsko z MKSem. Kończemy z wynikiem 95:71 oraz debiutem przed własną publicznością Mateusza Szlachetki, kery dostoł od zagranio 1 minuta i 20 sekund. Niestety niy wykorzystoł tyj szansy i nie zdołoł zaliczy triple double.

Podsumowanie
Szpil podobny do tygo z MKSem. Przez 3 kwarty walka niy tylko z przeciwnikiem ale i z samym sobą. W czwortyj kwarcie przebudzenie i tym razym niy tylko drabianie strat ale również totalny pogrom. Bez specjalnej finezji ale skutecznie. Momy ino nadzieja, że wraz z postępem sezonu Kołcz Turkiewicz bydzie w stanie dożyć kożdyj 4 kwarty! Cieszy na pewno fakt, że czołowymi postaciami w drużynie są Polacy. Kiwilsza zostoł wybrany nojlypszym zawodnikiem szpilu, Dawid Słupiński zaprezentowoł kilka manewrów podkoszowych, po kerych obrońcy z Koszalina do teroz szukają go na hali. W decydującyj kwarcie, Kacper Radwański pokozoł, że niy na darmo jest kapitanem i swoim zaangażowaniem jeszcze bardzij motywowoł zespół. Znów okozało się, że fizycznie przygotowani jesteśmy na walka do ostatnich sekund, czego niy idzie pedzieć o wyrobnikach z Koszalina. Martwi trocha, że w kolyjnym raz, przesypiomy około 2,5 kwarty i potem trzeba gonić wynik. Może się okozać, że z trocha lepij dysponowanymi zespołami niy styknie już na to czasu. Czemu tak jest? Niy wiemy ale zamierzomy, na nojbliższyj konferencji prasowej, zapytać o to noszygo Kołcza. Pozdrawiomy!
Redakcyjo
 
Powrót
NEWS

GTK bez szans w starciu z Legią. Prewitt z innej planety

GTK nie potrafiło znaleźć sposobu na Omara Prewitta. Australijczyk zdobył 32 punkty i był ojcem sukcesu warszawian, którzy po zwycięstwie…
2019-04-20
WIĘCEJ
NEWS

Czy Warszawa znów okaże się szczęśliwa? GTK powalczy z Legią

Legia czy GTK? Oba zespoły w ostatnich latach często ze sobą rywalizowała. Na parkietach I ligi dominowali warszawianie, ale już w ekstraklasie to…
2019-04-19
WIĘCEJ
NEWS

Emocjonujący pojedynek w Gliwicach. Zwycięski rzut Washingtona

Celny rzut z dystansu Desmonda Washingtona zadecydował o zwycięstwie GTK Gliwice. Podopieczni Pawła Turkiewicza są w tej chwili bliżej 11. miejsca na…
2019-04-17
WIĘCEJ
NEWS

Walka o 11. miejsce. GTK kontra HydroTruck

To jedna z ostatnich zagadek dla GTK Gliwice. W bezpośrednim pojedynku o 11. miejsce podopieczni Pawła Turkiewicza zmierzą się HydroTruckiem Radom.…
2019-04-16
WIĘCEJ
NEWS

Anwil zdecydowanie lepszy. Wysoka porażka GTK

Bolesna lekcja dla gliwiczan. Anwil Włocławek nie pozostawił złudzeń kto jest zdecydowanie lepszym zespołem i wygrał aż 113:81. Podopieczni Igora…
2019-04-13
WIĘCEJ
NEWS

Odprężone GTK zagra we Włocławku. Anwil bez marginesu błędu

Czy GTK Gliwice jest w stanie sprawić niespodziankę we Włocławku, w którym w obecnym sezonie dość często wygrywały inne zespoły. Anwil nie ma…
2019-04-11
WIĘCEJ
NEWS

Udany rewanż GTK! W ofensywnej batalii gliwiczanie górą

GTK Gliwice odniosło cenne zwycięstwo ze Spójnią Stargard i wróciło na 11. miejsce w ligowej tabeli. Podopieczni Pawła Turkiewicza są…
2019-04-09
WIĘCEJ
NEWS

Postawić kropkę nad i. GTK w starciu ze Spójnią

Rywalizacja ze Spójnią Stargard w I rundzie Energa Basket Ligi należała do jednych z najbardziej pechowych w całym sezonie dla GTK Gliwice.…
2019-04-08
WIĘCEJ
NEWS

Polski Cukier z patentem na GTK. Torunianie kolejny raz lepsi

Kolejna lekcja udzielona przez torunian. Polski Cukier wyjątkowo nie leży GTK Gliwice i podobnie było tym razem. Podopieczni Pawła Turkiewicza…
2019-04-02
WIĘCEJ

Sponsorzy i Partnerzy

Sponsorzy główni
Sponsorzy wspierający
Partnerzy techniczni
Partnerzy medialni