×
To była drużyna, kero kożdy chce łoglądać! Ślunsko relacyjo ze szpilu GTK Gliwice - Legia Warszawa

To była drużyna, kero kożdy chce łoglądać! Ślunsko relacyjo ze szpilu GTK Gliwice - Legia Warszawa

2019-01-10
Po czterech porażkach z rzyndu w niedziela podejmowali my u siebie Legia Warszawa. Niy ma tajemnicą, że w noszym regionie zespołów ze stolicy raczyjniy darzy się szczególną sympatią.  Na szczynście w koszykówie niy ma tak jak w fusbalu, i goście niy musieli po szpilu wracać do dom w przeciągu - w końcu ciężko zawrzyć szyba, keryj niy ma.

Legioniści łostatnich swoich wystympów niy mogli nazwać pasmym sukcesów. Podobnie jak i my, liczyli na przełamanie właśnie w noszym schronie przeciwatomowym. Hala zapełniła się kajś w 2/3 a i trefiło się kilku fanatyków ze stolicy. Nosz młyn dość liczny i głośno dopingujący praktycznie przez cały czos. Niystety u nos w ekipie w tym dniu niy mogli wystąpić Kiwilsza, Robak i Dłoniak. Zwłaszcza brak Szymona, kery jest w naprowdysolidnyj formie, mógł ucieszyć podkoszowych Legii.

Somygo szpilu relacjonować niy bydmy. Przeważali my praktycznie w kożdyj kwarcie. Jedynie w drugij odsłonie, wkradło sie fest dużo nerowości i prostych (czasami fest zaskakujących) błyndów z noszyj strony, kere pozwoliły warszawiokom odrobić straty. Chcieliby my skupić się na poszczególnych zawodnikach:

1. Myles Mack - był blisko triple-double ale paradoksalnie był to jedyn ze słabszych jego szpili w noszyj hali. Niy oznaczo to, że słaby. Po prostu niy trefioł rzutów, kere zazwyczaj wpadają. Był tyż trocha sfrustrowany, kilkoma decyzjami syndziowskimi, kaj niy łodgwizdali na nim fauli. Jego blok na Pinderze, przy 30 cm wzrostu różnicy, musioł zrobić wrażenie.

2. Riley Lachance - chop, kerego imię do niedawna sprawiało sporo problemów speakerowi. W tym szpilu niy groł za wiele i zdecydowanie poniżej swojego poziomu a przede wszystkim możliwości. Łon tyż niy umioł się wstrzelić co chyba go trocha frustrowało, bo jeżeli łazi o rzut, to z noszyj ligi jemu zdecyodwanie nojbliżyj do Klaya Thompsona.

3. Kacper Radwański - nosz kapitan i wulkan energii niy zawiódł. Świetny zarówno w ataku jak i łobronie. Kaj niy podowoł ktoś z Legii tam i tak stoł Kacper. W noszym, fest subiektywnym, łodczuciu jedyn z bardzij zaangażowanych i ambitnych zawodników w kraju. Nawet jeżeli niy idzie mu w jednym aspekcie, dowo z siebie 200% w innym. Gliwicko młodzież mo się od kogo uczyć!

4. Dawid Słupiński - to je chop, kery jest do nos trocha zagadką. Warunki fizyczne mo a i umiejętności mu niy brakuje: bardzo dobry technicznie rzut i spory asortyment manewrów podkoszowych to świetny kapitał. W większości szpili jest jednak trocha jakby zagubiony. Potrafi minąć przeciwnika tak, że tyn przez nastympno kwarta dalij go szuko i niy trefić potem spod samygo kosza. W niedziela również pokozoł, że moge być bardzo wartościowym graczem. Dawid, trocha wiencyj odwagi i wiary w siebie!

5. Damonte Dodd - nojlypszy szpil noszygo centra jaki kiedykolwiek my widzieli. Praktycznie kożdo akcja kończył z góry, bez żodnygo respektu do przeciwników. Rzut z półdystansu, kerym prawie wpędził Kołcza "T" do grobu, pokozoł, że Damonte mo w swoim arsenale dużo wiencyj niż ino wykończenie z góry. Momy tyż nadziejo, że znajdzie się jakiś sponsor i kupi mu nowe szczewiki, bo te sklejone taśmą, w ekstraklasie prezentują się raczyj średnio. Ino na początku mioł trocha problemów z ogromnym Patiejewem a późnij całkowicie zdominowoł strefa podkoszowo. Zasłużenie wybrany MVP, oby wiencyj takich szpili w jego wykonaniu.

6. Desi Washington - zagroł przeciętny szpil jak na jego możliwości. Niy mioł problemów z mijaniem przeciwników czy odpolaniem tripli, natomiast pojawiły się te z faulami. Dwa razy niy potrzebnie się nerwowoł, że Kołcz odsyło go na ławka. Stać go na bardzo wiele a w tym szpilu po prostu zrobił swoje.

7. Marek Piechowicz - chociaż statystyki mogą sugerować, że niy był to dobry szpil w jego wykonaniu to wcale tak niy było. Bardzo dobry wystymp, szczególnie w obronie. W niedziela mioł w sobie wyjątkowo dużo energii a to pewnie po roladzie.

8. Mateusz Szlachetka - bez dorobku punktowygo, jednak na parkiecie pojawił się już w drugij kwarcie. Całkiem fajny wystymp szczególnie w obronie. Cało kariera mo jeszcze przed sobą a mo się łod kogo uczyć.

9. Maverick Morgan - wystymp raczeyj bez historii. Swoje zrobioł, ale pora razy bardzo spóźniony w obronie. Solidny zawodnik, kery czasym mógłby doć trocha wiencyjłod siebie.
 
Podsumowując: bardzo dobry szpil GTK. Niy był jeszcze idealny ale to była drużyna, kero chyba kożdy kibic chce łoglądać: waleczno, skuteczno a przy tym efektowno. To jest drużyna, kero powinna walczyć o playoff a niy o utrzymanie. Momy wszystko, żeby znaleźć się w nojlypszyj ósemce w kraju. Liczemy, że na koniec sezonu, właśnie tak bydzie!

Redakcyjo
Powrót
NEWS

Nowa strona WWW w przygotowaniu

Nowa strona jest w przygotowaniu! Zmieniamy się dla Was!
2023-11-07
WIĘCEJ
NEWS

Pełna hala na inaugurację nie poniosła zawodników

W meczu I kolejki Tauron GTK Gliwice prowadził nawet różnicą 18 punktów. Nie przyniosło to ostatecznie wygranej i to goście z Gdyni…
2023-09-25
WIĘCEJ
NEWS

Karnety już w sprzedaży!

Ruszyła sprzedaż karnetów! Chętnych do zakupu karnetów zapraszamy na podstronę dedykowaną www.eventim.pl/artist/tauron-gtk-gliwice…
2023-08-21
WIĘCEJ
NEWS

Znamy grafik sparingów Tauron GTK Gliwice

Dość laby koszykarze wracają do pracy! Wszyscy wiedzą, że okres przygotowawczy to najcięższy i jednocześnie najważniejszy okres sezonu...to wtedy…
2023-08-08
WIĘCEJ
NEWS

Reprezentant Łotwy ostatnim obcokrajowcem Tauron GTK Gliwice

Powołany do szerokiej reprezentacji Łotwy na zbliżające się Mistrzostwa Świata, zwycięzca konkursu rzutów za 3 punkty PLK, były zawodnik…
2023-08-04
WIĘCEJ
NEWS

Duży powrót do GTK- Terry Henderson z głośnym powrotem

Na ten ruch trener Paweł Turkiewicz ostrzył sobie zęby całe okienko transferowe...po dwóch latach powraca do Gliwic Terry Henderson! Kibice…
2023-08-02
WIĘCEJ
NEWS

Potężny Polak pod koszem- Maciej Bender

Para polskich podkoszowych szykuje nam się pod koszem w przyszłym sezonie. Do mierzącego 206 cm Łukasza Frąckiewicza dołącza mający 211 cm Maciej…
2023-07-26
WIĘCEJ
NEWS

Wzmocnienie polskiej rotacji- Jan Malesa z podpisem

Wzmocnieniem polskiej rotacji na obwodzie będzie w przyszłym sezonie 24-letni Jan Malesa. Jan Malesa jest wychowankiem Kadetu Biała Podlaska. Jako…
2023-07-21
WIĘCEJ
NEWS

Reprezentant Kanady poprowadzi grę Tauron GTK

26- letni rozgrywający reprezentacji Kanady Kadre Gray poprowadzi grę gliwiczan w nadchodzacym sezonie. Nasz zespół przed nadchodzacym…
2023-07-13
WIĘCEJ

Sponsorzy i Partnerzy

Sponsorzy główni
Sponsorzy wspierający
Partnerzy techniczni
Partnerzy medialni